cudeschs

recepts engiadinais - Engadiner Rezepte rumauntsch / tudais-ch Cilgia Nogler-Pedrun ho ramasso recepts engiadinais, bgeras masseras generusas da l’Engiadina e da la Val Müstair haun tradieu ils recepts vegls chi vegnan chüros da lur famiglias. Las duos broschüras cumparidas ils ans 70 vaivan gieu ün success inaspetto e d’eiran già dalönch exaustas, ellas sun uossa unidas in ün unic cudesch, e que in fuorma sinoptica, rumauntsch/tudas-ch.

101 intorgias cuortas in lingua rumantscha cun traducziun tudais-cha. Jon Nuotclà, nat als 15 schner 1934 e mort als 05 avuost 2017 es stat magister da biologia ed autur da diversas publicaziuns, tanter oter eir dad istorgias, poesias e novellas.

Men Rauch es stat il prüm trubadur rumantsch, el ha creà e derasà la chanzun populara ladina sco üngün oter. Men Rauch vaiva edi dal 1925 il prüm tom da las "chanzuns umoristicas rumantschas cun intraguidamaint per accumpagnar cun la guitarra" e dal 1950 il seguond tom. Quist cudeschet edi dal CHARDUN dal 1976 cuntegna tuots duos toms. Cun la reediziun es gnü accumpli il giavüsch dals trubadurs e dals amatuors da la buna chanzun rumantscha.